မောင်နှမ ၉ယောက်ညီညွတ်သင့်မြတ်ရခြင်းအကြောင်းရင်း(၁)

 

Happy Father's Day and my father U Tin Sein

ဆရာတို့ မောင်နှမကိုးဦး ဘာကြောင့် ညီညွတ်သင့်မြတ် ကြရပါသလဲ ဆိုတာကိုမေးမြန်းသူ အတော်များပါတယ်… ဆရာ့ အနေနဲ့ ဆရာတို့မောင်နှမတွေ ငယ်စဉ်ကတည်းက လျောက်လှမ်း ကြီးပြင်းခဲ့ပုံတွေကိုပြန်စဉ်းစားမိပါတယ်…

ပထမဦးစွာ လက်ဦးဆရာမိဘတွေကို အရင်တင်ပြချင်ပါတယ်။ ယနေ့က Happy Father’s Day ဖြစ်တာနဲ့အညီ ဆရာ့ ရဲ့ ဖခင်အကြောင်း တင်ပြချင်ပါတယ်…

ဆရာ့ရဲ့ ​အဖေဟာ ငယ်စဥ်က ဆန်စက်ပိုင်ရှင်သား ရာဘာ ခြံပိုင်ရှင်သားတစ်ဦးဖြစ်ပြီးမြို့မှာ အချမ်းသာဆုံး ​​ကြေး​ရေတတ် အသိုင်းဝိုင်းမှာကြီးပြင်းခဲ့ပါတယ်။

ဒါ​ပေမဲ့ မိဘ၂ပါး က စစ်အတွင်းမှာ ဆုံးပါးခဲ့ရပြီး အိမ်နဲ့ကား​တွေကိုလည်း ပြည်တွင်းစစ် အတွင်းမီးရှို့ခံခဲ့ရပါတယ်။ ​အဖေက လွတ်လပ်​ရေးရ​အောင် လိုအပ်ရင်တိုက်ဘို့အတွက် ပြည်သူ့ ရဲ​ဘော် ဖွဲ့တဲ့အခါ စည်းရုံး​ရေးမှူးဖြစ်ခဲ့ပါတယ်။ စစ်ပြီးတဲ့​နောက် လက်နက်​တွေ ဖျက်သိမ်းတဲ့အခါ အ​ဖေတို့ဟာ ရဲ​ဘော်ဘဝနဲ့တပ်ထဲ ဝင်​ရောက်ခဲ့ပြီး ​နောက်ဗိုလ်သင်တန်း တက်​​ရောက်လို့ အရာရှိဖြစ်ခဲ့ပါတယ်။ ​

(အောက်ပါပုံ​လေးက​တော့ နယ်ချဲ့လာတဲ့ကူမင်တန်တပ်ဖွဲ့ ကို တိုင်းပြည်တွင်းကတိုက်ထုတ်တဲ့ ရန်ကြီး​အောင်စစ်ဆင်​ရေးမှာ ရိကာပြတ် လို့ ရှိတဲ့ နို့ဆီဘူး​လေး ​ဖောက်​သောက်​နေတဲ့ပုံ​လေးပါ။)

အ​ဖေဟာ တပ်မ​​တော်မှာ ရိုးသား ကြိုးစားရင်းစစ်​ထောက် ချုပ် စကခမှူး ဗိုလ်ချုပ်အဆင့်သို့ရောက်ရှိခဲ့ပါတယ်။ ​နောက်ပိုင်း အရပ်ဘက်သို့ကူး​​ပြောင်းကာ ဒုဝန်ကြီး၊ ဝန်ကြီး အဆင့် တာဝန်ယူခဲ့ပြီး ​နောက်ပိုင်း မဆလ ​ခေတ် နိုင်ငံ​ရေး ပဋိပက္ခ အတွင်း အနားယူခဲ့ရပါတယ်။

ဆရာတို့ အ​ဖေ အနားယူတဲ့အချိန်မှာ ရိုးရိုးသားသား ​နေခဲ့တဲ့အ​လျောက် ဗိုလ်ချုပ်အဆင့် ဝန်ကြီး ဘဝ ဖြစ်​ပေမဲ့ ကိုယ်ပိုင်အိမ်မ​ပြောနဲ့ တိုက်ခန်း​တောင် မရှိပါဘူး။ ​နေစရာ မရှိလို့ ဝန်ကြီးဘဝကနားရ​ပေမဲ့ ဝန်ကြီးအိမ်မှာ ဘဲ ဆက်​နေခွင့်ပြုခဲ့ပါတယ်။

​နောက်ပိုင်းအ​ဖေ့မှာ အပြစ်မရှိ​ကြောင်း ပေါ်လွင်လာတဲ့အခါ ဥရောပမှာ သံအမတ်ကြီးအဖြစ် ခန့်အပ်ခဲ့ပါတယ်။ မိသားစု​တွေလည်း ဥ​ရောပမှာ ​နေရင်း နိုင်ငံတကာ အ​တွေ့အကြုံရရှိခဲ့ ပါတယ်။ တစ်ခါ တိုက်ခန်းနဲ့ ​မြေကွက်ပြန်​ပေးလို့ သံအမတ် ဘဝနဲ့စု​ဆောင်းရင်း ရလာတဲ့ ​ငွေနဲ့ ကိုယ်ပိုင် အိမ်​လေး​ဆောက်နိုင် ခဲ့ပါတယ်။

​အဖေက ဆရာတို့ မောင်နှမတွေကိုလည်း ​ငွေ​ရေး​ကြေး​ရေး မမက်​မောဘို့၊ လောမကြီးဘို့၊ မောင်နှမတွေ သင့်တင့်မျှတစွာ နေကြဘို့၊ အချင်းချင်းယိုင်းပင်း ကူညီကြဘို့ ရိုးရိုး သားသားကြိုးစားရင် ဘဝမှာ အဆိုးဆုံး အ​ခြေအ​နေ မှာ​တောင် ရုန်းထွက်နိုင်​​ကြောင်းသင်ကြား​ပေးခဲ့ပါတယ်။

အ​ဖေ့ရဲ့ အမှာစကား​တွေကို ရင်ထဲမှာ အမြဲသိမ်းဆည်း ပြီး လက်ကိုင်ကျင့်သုံးကြလို့ ညီညွတ်ကြသင့်မြတ်ခြင်းဖြစ် တယ်လို့ မှတ်ယူမိပါတယ်….အရင်ဆုံး